பாமக பிரமுகர் மீது சரமாரி தாக்குதல்... நாம் தமிழர் கட்சியை சேர்ந்த 3 பேர் கைது

கள்ளக்குறிச்சி மாவட்டம் தியாகதுருகம் அருகே மேட்டுக்குப்பத்தில் நாம் தமிழர் கட்சி சார்பில் அமைக்கப்பட்டிருந்த கொடிகம்பத்தை சிலர் சேதப்படுத்தியதாக கூறப்படுகிறது.

இந்த நிலையில் கட்சி கொடிகம்பத்தை மேட்டுக்குப்பத்தை சேர்ந்த பா.ம.க. கிளை செயலாளரான ராஜேஷ் உள்ளிட்ட சிலர் சேதப்படுத்தியதாக சந்தேகம் எழுந்தது.

இதன்பேரில் ராஜேஷை அசைவம் சாப்பிடலாம் என கூறி அழைத்துச் சென்ற ராமநாதன், வீரன், மாணிக்கம் உள்ளிட்டோர் அவரை சரமாரியாக தாக்கினர்.

இதை செல்போனில் வீடியோவாக எடுத்திருந்த நிலையில் அது வெளியாகி பரபரப்பை ஏற்படுத்தியது.

இதன்பேரில் போலீசார் 3 பேரை கைது செய்ததோடு தலைமறைவாக உள்ள ஏழுமலை என்பவரை தேடி வருகின்றனர்.