கோவை மாவட்டம் அன்னூர் அருகே பிறந்து 2 நாட்களே ஆன பெண் குழந்தை ஒன்று, சாலையோரத்தில் மீட்கப்பட்ட சம்பவம் பரபரப்பை ஏற்படுத்தியுள்ளது. சாணம்பாளையம், பகுதியில் தூய்மை பணியாளர்கள் வழக்கமான பணிகளில் ஈடுபட்டிருந்தனர். அப்போது, குப்பை தொட்டிக்கு அருகே இருந்த கட்டைப் பையில் பிறந்து 2 நாட்களே ஆன பெண் குழந்தை ஒன்று தொப்புள் கொடி அகற்றாத நிலையில் இருந்துள்ளது. இதனையடுத்து, குழந்தையை மீட்ட தூய்மை பணியாளர்கள், தனியார் ஆம்புலன்ஸ் மூலம் அன்னூர் அரசு மருத்துவமனைக்கு அனுப்பி வைத்தனர். மேலும், இச்சம்பவம் குறித்து போலீசார் விசாரணை நடத்தி வருகின்றனர்