ஆசியக் கோப்பை மகளிர் டி20 தொடர் - அதிரடி காட்டிய ஜெமிமா - மாஸாக வெற்றி பெற்ற இந்திய அணி

ஆசியக் கோப்பை மகளிர் டி20 தொடரின் லீக் போட்டியில், இலங்கை மகளிர் அணியை, 41 ரன்கள் வித்தியாசத்தில் வீழ்த்தி இந்திய மகளிர் அணி அபார வெற்றி பெற்றது.

வங்கதேசத்தில் ஆசியக் கோப்பை மகளிர் டி20 கிரிக்கெட் தொடர் தொடங்கி உள்ளது.

இன்று மதியம் நடைபெற்ற 2வது லீக் போட்டியில் ஹர்மன்ப்ரீத் கவுர் தலைமையிலான இந்திய மகளிர் அணியும், சமாரி தலைமையிலான இலங்கை மகளிர் அணியும் மோதின.

இதில் டாஸ் வென்ற இலங்கை மகளிர் அணி முதலில் பவுலிங்கை தேர்வு செய்தது.

தொடர்ந்து முதலில் பேட்டிங் செய்த இந்திய மகளிர் அணி, 20 ஓவர்கள் முடிவில் 6 விக்கெட் இழப்புக்கு 150 ரன்கள் எடுத்தது.

அதிகபட்சமாக ஜெமிமா ரோட்ரிக்ஸ் 76 ரன்கள் சேர்த்தார்.

பின்னர் பேட்டிங்கை தொடங்கிய இலங்கை மகளிர் அணி 19வது ஓவரில் 109 ரன்களுக்கு ஆல்-அவுட் ஆனது.

இதனால் 41 ரன்கள் வித்தியாசத்தில் இந்திய அணி அபார வெற்றி பெற்றது. இந்தியா தரப்பில் சுழற்பந்து வீச்சாளர் ஹேமலதா 3 விக்கெட்டுகளை சாய்த்தார்.