வீடு தேடி வந்த விபரீதம்... தூங்கி கொண்டிருந்த பெண்ணிடம் கைவரிசை - மர்மநபர்களால் அதிர்ச்சி

அரியலூர் மாவட்டம் ஆண்டிமடம் அருகே, வீட்டில் தூங்கிக் கொண்டிருந்த பெண்ணிடம், மர்மநபர்கள் கழுத்தில் அணிந்திருந்த 4 சவரன் தங்கச் சங்கிலியை பறித்துச் சென்ற சம்பவம் அப்பகுதியில் அச்சத்தை ஏற்படுத்தியுள்ளது. சிலுவைச்சேரி கிராமத்தில் வசிக்கும் ஜெயா என்பவரின் வீட்டில் புகுந்த மர்மநபர்கள், இந்த துணிகர செயலை செய்துள்ளனர். முன்னதாக, அருகில் இருந்த வீட்டில் இதேபோன்று கொள்ளையடிக்கச் சென்றபோது, குழந்தையின் கழுத்தில் கத்தியை வைத்து தாயிடம் பணத்தைக் கேட்டதாகவும், பணம் இல்லாததால் கொள்ளையர்கள், பக்கத்தில் வீட்டில் கொள்ளைடியத்து விட்டு சென்றதும் விசாரணையில் தெரியவந்தது. இந்த சம்பவம் தொடர்பாக மர்மநபர்களை போலீசார் தேடி வருகின்றனர்.