வெள்ளத்தில் சிக்கிய பச்சிளம் குழந்தை... களமிறங்கிய தீயணைப்பு வீரர்கள் - பரபரப்பு காட்சிகள்

ராணிப்பேட்டை மாவட்டம் அரக்கோணம் அருகே வெள்ளத்தால் சிக்கி தவித்த இருளர் சமூக மக்கள் பாதுகாப்பாக மீட்கப்பட்டனர். கணபதிபுரம் பகுதியில் கசக்கால்வாய் ஓரம் 20-க்கும் மேற்பட்ட இருளர் இன குடும்பத்தினர் வசித்து வருகின்றனர். இந்நிலையில் கால்வாயில் வெள்ளப் பெருக்கு ஏற்பட்டதால், அங்கிருந்து வெளியே வர முடியாமல் சிக்கி தவித்தனர். பின்னர், தகவலறிந்து வந்த தீயணைப்பு வீரர்கள் காய்வாயின் இடையே கயிறு கட்டி அனைவரையும் பாதுகாப்பாக மீட்டுள்ளனர்.