மணிப்பூரிலிருந்து மற்றொரு பயங்கர வீடியோ.. பழங்குடியின இளைஞர் தலை வெட்டி கொலை

மணிப்பூரில் குக்கி பழங்குடியினத்தை சேர்ந்த இளைஞர் தலை துண்டிக்கப்பட்டு கொல்லப்பட்ட வீடியோ வெளியாகி அதிர்ச்சி ஏற்படுத்தியுள்ளது.

மணிப்பூர் கலவரத்திற்கு மத்தியில் குக்கி பழங்குடியின பெண்கள் நிர்வாணமாக ஊர்வலம் அழைத்து செல்லப்பட்ட வீடியோ வெளியாகி நாட்டையே உலுக்கியது. மே மாதம் 4 ஆம் தேதி நடந்த கொடூரம், 75 நாட்கள் கழித்து வீடியோவாக வெளியான நிலையில் கைது நடவடிக்கையை மணிப்பூர் போலீஸ் தீவிரப்படுத்தியுள்ளது. இந்த சூழலில் அங்கிருந்து மற்றொரு அதிர்ச்சி வீடியோ வெளியாகியிருக்கிறது. பிஷ்னுபூர் மாவட்டத்தில் குக்கி பழங்குடியின இளைஞர் டேவிட் தீக் தலையை வெட்டிய மர்ம கும்பல், தலையை வீட்டு வேலியில் இருந்த மூங்கில் கம்பில் வைத்து சென்றுள்ளது. ஜூலை 2 ஆம் தேதி நள்ளிரவு 12 மணியளவில் இந்த கொடூரம் அரங்கேறியதாக தகவல்கள் தெரிவிக்கின்றன. இது தொடர்பான வீடியோக்கள் இணையத்தில் வெளியாகி அதிர்வலையை ஏற்படுத்தியுள்ளது.