வாகனங்கள் நடுவே சிக்கிய ஆம்புலன்ஸ்.. "போயா போயா முன்னாடி.." - போலீசார் செய்த வேற லெவல் செயல்

சிவகங்கை சிங்கம்புணரி நகரில் போக்குவரத்து நெரிசலில் சிக்கிய ஆம்புலன்ஸ் விரைந்து செல்ல காவல் துறையினர் உதவி செய்தனர். இங்கு தேசிய நெடுஞ்சாலை கடந்த ஒரு வருடத்திற்கு முன் அகலப்படுத்தப்பட்ட நிலையில், பேருந்து நிலையத்தில் இருந்து காரைக்குடி செல்லும் சாலையின் இருபுறமும் ஆக்கிரமிப்புகள் அகற்றப்படவில்லை என குற்றச்சாட்டு முன்வைக்கப்பட்டுள்ளது. இதனால் வாகன ஓட்டிகள் அவதி அடைந்துள்ளனர். இந்நிலையில் இரவு திடீரென அந்த சாலையில் கடும் போக்குவரத்து நெரிசல் ஏற்பட்டது. சிங்கம்புணரி வழியாக மதுரை நோக்கி சென்ற ஆம்புலன்ஸ் அவ்வழியே செல்ல முடியாமல் விழி பிதுங்கி நின்றது. விரைந்து செயல்பட்ட போலீசார், போக்குவரத்து நெரிசலில் சிக்கிய வாகனங்களைத் துரிதமாக அப்புறப்படுத்தி ஆம்புலன்ஸ் செல்ல வழிவகை செய்தனர்.