அதிமுக முன்னாள் MLA பொன்னம்பலம் வீடு சூறையாடப்பட்ட விவகாரம்- கொந்தளித்த ஈபிஎஸ்

மதுரை மாவட்டம் கருவனூரில் அதிமுக முன்னாள் எம்.எல்.ஏ.பொன்னம்பலம் வீடு மீது தாக்குதல் நடத்தியதற்கு, எடப்பாடி பழனிசாமி கண்டனம் தெரிவித்துள்ளார். அவரது குடும்பத்தினர் மீது திமுகவினர் கொடூரமாக தாக்கியும், அவரது வீட்டை சூறையாடியும், வாகனங்களுக்கு தீ வைத்ததாகவும், இது கண்டனத்திற்குரியது என்று, தமது டுவிட்டர் செய்தியில் கூறி இருக்கிறார்.இந்த ஆட்சியில் வன்முறை களமாக தமிழ்நாடு மாறி இருப்பது வேதனைக்குரியது என்றும் அவர் விமர்சித்துள்ளார். கொலைவெறித் தாக்குதல் நடத்தியவர்களை உடனடியாக கைது செய்ய வேண்டும் என்று அவர் வலியுறுத்தியுள்ளார்.