ராமநாதபுரத்தில் திடீரென நடு வீட்டுக்குள் புகுந்த நல்ல பாம்பை, வனத்துறையினர் லாவகமாக பிடித்து காட்டுப்பகுதியில் விட்டனர். காட்டு பிள்ளையார் கோவில் பகுதியில் உள்ள கார்த்திக் என்பவரது இல்லத்தில் அனைவரும் குடும்பத்தினருடன் அமர்ந்து தொலைக்காட்சி பார்த்துக் கொண்டிருந்தனர். அப்போது, 5 அடி நீளம் உள்ள நல்ல பாம்பு ஒன்று சீறிக்கொண்டு அங்கும் இங்கும் சுற்றி வருவதை கண்டு அதிர்ச்சி அடைந்தனர். வீட்டில் இருந்த அனைவரும் அறைக்குள் சென்று தாளிட்டு கொண்டு வனத்துறையினருக்கு தகவல் அளித்தனர். விரைந்து வந்த வனத்துறையினர், வீட்டிற்குள் புகுந்த நல்ல பாம்பை லாவகமாக பிடித்து காட்டில் விட்டனர்.