கத்தாரில் நவம்பர் 20ல் உலகக்கோப்பை கால்பந்து தொடக்கம்.
முதல் போட்டியில் கத்தார் - ஈகுவடார் அணிகள் மோதல்.
அட்டவணையில் மாற்றம் செய்து ஃபிபா அறிவிப்பு.
32 அணிகள் பங்கேற்கும் 22 ஆவது உலகக்கோப்பை கால்பந்து போட்டி, வரும் நவம்பர் மாதம் 20 ஆம் தேதி கத்தாரில் தொடங்குகிறது.
முன்னதாக நவம்பர் 21 ஆம் தேதி தொடங்கவிருந்த முதல் போட்டியில், செனகல் மற்றும் நெதர்லாந்து அணிகள் மோதுவதாக அட்டவணை தயாரிக்கப்பட்டது.
இந்நிலையில் போட்டியை நடத்தும் நாடான கத்தார், முதல் போட்டியில் களமிறங்குமாறு அட்டவணையை மாற்றம் செய்து ஃபிபா அறிவித்துள்ளது.
இதன்படி ஒருநாள் முன்னதாக, நவம்பர் 20 ஆம் தேதி தொடங்கும் முதல் போட்டியில், கத்தார் மற்றும் ஈகுவடார் அணிகள் மோதும் என தெரிவிக்கப்பட்டுள்ளது.