மின் கம்பிகள் உரசியதால் தீயில் உருக்குலைந்த வாழைத்தோட்டம் - கருகிய விவசாயின் ஆசைகள்

திசையன்விளை அருகே மின் கம்பிகள் உரசி தீப்பற்றியதால் வாழைத்தோட்டம் உருகுலைந்த நிலையில், அரசு உரிய இழப்பீடு வழங்க வேண்டுமென பாதிக்கப்பட்ட விவசாயி கோரிக்கை விடுத்துள்ளார்.

நெல்லை மாவட்டம் தலைவன்விளை பகுதியை சேர்ந்த கதிரேசன், சொக்கலிங்கபுரத்தில் ஐந்து ஏக்கர் தோட்டத்தை குத்தகைக்கு எடுத்து வாழை பயிரிட்டிருந்தார். இந்தநிலையில் அந்த தோட்டத்தில் ஏற்பட்ட தீ விபத்தில், 5 ஆயிரத்திற்கும் ஏற்பட்ட வாழை மரங்கள், சொட்டுநீர் பாசன குழாய்கள் சேதமடைந்தன. இந்தநிலையில், உயர் மின்னழுத்த கம்பிகள் ஒன்றுடன் ஒன்று உரசியதில் தீ விபத்து ஏற்பட்டதாக கூறியுள்ள கதிரேசன், 10 லட்ச ரூபாய் வரை இழப்பு ஏற்பட்டுள்ளதாகவும், தமிழ்நாடு அரசு உரிய இழப்பீடு வழங்க வேண்டுமெனவும் கோரிக்கை விடுத்துள்ளார்.