வேன் சக்கரத்தில் சிக்கி 5 வயது சிறுமி உயிரிழப்பு - தென்காசியில் அதிர்ச்சி

தென்காசி மாவட்டம் ஆலங்குளம் அருகே, பள்ளி வேன் ஓட்டுநரின் கவனக்குறைவால், ஐந்து வயது சிறுமி சக்கரத்தில் சிக்கி உயிரிழந்தார். கரும்பனூர் கிராமத்தைச் சேர்ந்த தனராஜ் என்பவரின் 5 வயது மகள் ஹவினா, தனியார் பள்ளியில் யுகேஜி படித்து வந்தார். பள்ளி வேனில் இருந்து ஹவினா இறங்கிய போது, ஓட்டுநர் வாகனத்தை திருப்பியதாக கூறப்படுகிறது. இதில், சக்கரத்தில் சிக்கி சிறுமி பரிதாபமாக உயிரிழந்தார். இதனிடையே, வாகன ஓட்டுநர் மற்றும் பள்ளி நிர்வாகி ஸ்ரீராம்குமார் என்பரை கைது செய்து போலீசார் விசாரணை நடத்தி வருகின்றனர்.