இந்தியாவில் நடைபெறவுள்ள ஐசிசி 50 ஓவர் உலகக்கோப்பை தொடருக்கான அட்டவணை விரைவில் வெளியாக உள்ளது. இன்று அல்லது நாளை போட்டி அட்டவணையை ஐசிசி வெளியிடும் என எதிர்பார்க்கப்படுகிறது. அக்டோபர் 5ம் தேதி உலகக்கோப்பை தொடர் தொடங்க உள்ளதாகவும், முதல் போட்டியில் இங்கிலாந்து-நியூசிலாந்து அணிகள் அகமதாபாத்தில் மோத இருப்பதாகவும் கூறப்படுகிறது. இந்தியா தங்களது முதல் போட்டியில், ஆஸ்திரேலியா உடன் அக்டோபர் 8ம் தேதி சென்னை சேப்பாக்கம் மைதானத்தில் மோத இருப்பதாகவும், அக்டோபர் 15ம் தேதி, இந்தியா-பாகிஸ்தான் இடையிலான போட்டி அகமதாபாத்தில் நடைபெற இருப்பதாகவும் தெரிகிறது.