டெல்லியில், காங்கிரஸ் மூத்த தலைவர்கள் சோனியா காந்தி மற்றும் ராகுல் காந்தி ஆகியோரை, கர்நாடக முதலமைச்சர் சித்தராமையா சந்தித்து பேசினார்...கர்நாடகா சட்டசபை தேர்தலில், காங்கிரஸ் கட்சி தனிப்பெரும்பான்மை உடன் ஆட்சி அமைத்த நிலையில், சித்தராமையா முதலமைச்சராக பதவியேற்றார். அவருடன் துணை முதலமைச்சராக டி.கே.சிவக்குமாரும், 8 அமைச்சர்களும் பதவியேற்றனர். இதனைத் தொடர்ந்து, அமைச்சரவையை விரிவாக்கம் செய்வது, இலாகா ஒதுக்கீடு செய்வது தொடர்பாக, முதலமைச்சர் சித்தராமையா, துணை முதலமைச்சர் டி.கே.சிவக்குமார் ஆகியோர் மேலிடத்துடன் ஆலோசனை மேற்கொண்டு வருகின்றனர். இந்த நிலையில், கர்நாடக முதலமைச்சர் சித்தராமையா, மூத்த தலைவர்கள் சோனியா காந்தி மற்றும் ராகுல் காந்தியை ஆகியோரை நேரில் சந்தித்தார். அப்போது, அமைச்சரவை விரிவாக்கம் குறித்து பேசப்பட்டதாகவும், இறுதி செய்யப்பட்ட அமைச்சரவையில் 24 அமைச்சர்கள் இருப்பார்கள் எனவும் தகவல் வெளியாகியுள்ளது.