தொழிலதிபரின் வீட்டில் இருந்த 2 டூவீலர்களுக்கு தீ வைப்பு - மர்ம நபர்களை தேடும் போலீசார்

தாம்பரம் அருகே தொழிலதிபரின் வீட்டில் நிறுத்தி வைக்கப்பட்ட டூவீலர்கள் தீயிட்டு கொளுத்தப்பட்ட சம்பவம் அதிர்ச்சியை ஏற்படுத்தி உள்ளது. செங்கல்பட்டு மாவட்டம் தாம்பரம் அருகே பிரேம்குமார் என்ற தொழிலதிபர் வசித்து வருகிறார். இவரது வீட்டில் நிறுத்தி வைக்கப்பட்டிருந்த 2 டூவீலர்கள் திடீரென எரிவதை கண்டு அதிர்ச்சியடைந்த பிரேம்குமார், உடனடியாக தண்ணீர் ஊற்றி அணைத்தார். எனினும் டூவிலர்கள் முற்றிலும் எரிந்து சேதமானது. தகவலறிந்து வந்த போலீசார், அப்பகுதியில் உள்ள சிசிடிவி காட்சி மூலம் தீயிட்டு கொளுத்திய மர்ம நபர்களை தேடி வருகின்றனர்