நெல்லை பட்டியலின இளைஞர்கள் தாக்கப்பட்ட விவகாரம் - கொதித்தெழுந்த வைகோ

நெல்லையில் பட்டியலின இளைஞர்கள் மீது தாக்குதல் நடத்தப்பட்டதற்கு, ம.தி.மு.க. பொதுச்செயலாளர் வைகோ கண்டனம் தெரிவித்துள்ளார். இதுகுறித்து அவர் வெளியிட்டுள்ள அறிக்கையில், திருநெல்வேலி மூர்த்தீஸ்வரத்தை சேர்ந்த மனோஜ்குமார், மாரியப்பன் ஆகிய இரு பட்டியலின இளைஞர்களை, மாற்று சமூகத்தைச் சேர்ந்த இளைஞர்கள் சிலர் நிர்வாணப்படுத்தி தாக்கி, பணம் மற்றும் கைபேசிகளை பறித்துச் சென்றது மன்னிக்கவே முடியாத செயல் என குறிப்பிட்டுள்ளார். கைது செய்யப்பட்டுள்ள குற்றவாளிகள் 6 பேர் மீது வன்கொடுமை தடுப்புச் சட்டம் உள்ளிட்ட பிரிவுகளில் வழக்குப்பதிவு செய்து, காவல்துறை தண்டனை பெற்றுத்தர வேண்டுமென்றும் வைகோ வலியுறுத்தியுள்ளார்.