இலங்கை டூ மாலத்தீவு டூ சிங்கப்பூர்? - நாடு விட்டு நாடு தப்பி ஓடும் ராஜபக்சே!

இலங்கை டூ மாலத்தீவு டூ சிங்கப்பூர்? - நாடு விட்டு நாடு தப்பி ஓடும் ராஜபக்சே!

மாலத்தீவில் இருந்து சிங்கப்பூர் நாட்டுக்கு இலங்கை அதிபர் கோத்தபய ராஜபக்சே செல்ல உள்ளதாக தகவல்கள் வெளியாகி உள்ளன.

மாலத்தீவில் தஞ்சமடைந்துள்ள இலங்கை அதிபர் கோத்தபய ராஜபக்சேவை வெளியேற்றக்கோரி மாலத்தீவில் கடும் எதிர்ப்பு கிளம்பியது. எனவே இலங்கை அதிபர் கோத்தபய ராஜபக்சே நாட்டிலிருந்து வெளியேறுமாறு மாலத்தீவு சுற்றுலா அமைச்சகத்தின் நிர்வாக இயக்குனர் தைய்யிப் ஷாஹிம் கூறினார். மாலத்தீவில், கோத்தபய ராஜபக்சேவுக்கு புகலிடம் அல்லது அகதி அந்தஸ்து வழங்கக் கூடாது என அரசாங்கத்திடம் அவர் கோரிக்கை விடுத்துள்ளார். இலங்கையில் மக்கள் முன்னெடுத்துள்ள கோரிக்கைக்கு மாலத்தீவு மக்களும் ஆதரவு தெரிவிக்கின்றனர் என்றும், மாலத்தீவை விட்டு வெளியேறுமாறு அரசாங்கத்திடம் எடுத்து கூறியுள்ளார். இந்நிலையில் மாலத்தீவில் இருந்து சிங்கப்பூர் தஞ்சமடைய கோத்தபயவுக்கு அந்நாட்டு அரசு ஒப்புதல் அளித்துள்ளதாக தகவல்கள் வெளியாகி உள்ளன.