உக்ரைனில் கலையுமா போர் மேகம்? - துருக்கியில் இன்று அடுத்தக்கட்ட பேச்சுவார்த்தை!
உக்ரைன் ரஷ்யா இடையேயான அடுத்த கட்ட பேச்சுவார்த்தை இன்று துருக்கியில் நடைபெற உள்ளது.
உக்ரைன் ரஷ்யா இடையேயான அடுத்த கட்ட பேச்சுவார்த்தை இன்று துருக்கியில் நடைபெற உள்ளது. உக்ரைன் மீது ரஷ்யா தொடர்ந்து 1 மாத காலத்திற்கும் மேலாக போர் தொடுத்து வரும் நிலையில், ஆயிரக்கணக்கான பொதுமக்கள் கொல்லப்பட்டுள்ளனர். இதையடுத்து, போரை முடிவுக்கு கொண்டு வர இன்று துருக்கியில் அடுத்தகட்ட பேச்சுவார்த்தை நடத்தப்பட உள்ளது. ரஷ்ய தூதுக்குழுவின் தலைவர் விளாடிமிர் மெடின்ஸ்கி இடத்தைக் குறிப்பிடாமல் மார்ச் 29-30 ஆகிய தேதிகளில் பேச்சுவார்த்தை நடைபெறும் என்று மட்டும் தெரிவித்திருந்த நிலையில், உக்ரைனிய தூதுக்குழுவின் உறுப்பினரான டேவிட் அராகாமியா, பேச்சுவார்த்தை மார்ச் 28 அன்று துருக்கியில் நடைபெறும் என்று தெரிவித்திருந்தது குறிப்பிடத்தக்கது.