காபூல் புறப்பட தயாரான இந்திய விமானம்: 250 இந்தியர்களை அழைத்து வர முடிவு

தலிபான்களின் வசமுள்ள காபூலில் வசிக்கும் இந்தியர்களை மீட்க அமெரிக்காவுடன் இணைந்து இந்தியா தீவிர நடவடிக்கைகளை எடுத்து வருகிறது. அதன் ஒரு பகுதியாக காபூலுக்கு செல்ல இந்தியாவின் சி-17 விமானம் தயார் நிலையில் வைக்கப்பட்டுள்ளது. இந்த விமானம் காபூலை சென்றடைந்ததும் அங்குள்ள 250 இந்தியர்கள் மீட்டு தாயகம் கொண்டு வரப்படுவார்கள் என எதிர்பார்க்கப்படுகிறது. எனினும், காபூலில் 400 இந்தியர்கள் இருப்பதாக தகவல்கள் வெளியாவதால் அவர்களுக்கான விசா வழங்கும் நடவடிக்கைகள் மேற்கொள்ளப்பட்டு வருகின்றன.