எனது ஆங்கிலம் சுமாரானது தான் - ரோஜர் ஃபெடரரின் கலகல பேச்சு

செய்தியாளர் சந்திப்பின் போது தனது ஆங்கிலம் சுமாரானது தான் என்று பிரபல டென்னிஸ் வீரர் ரோஜர் ஃபெடரர் பேசிய வீடியோ சமூக வலைதளங்களில் பரவி வருகிறது. கடந்த 2 தினங்களுக்கு முன்பு நடைபெற்ற விம்பிள்டன் டென்னிஸ் போட்டியில், பிரான்சை சேர்ந்த மன்னாரினோ ரோஜர் ஃபெடரருக்கு கடும் சவாலாக இருந்தார். இதனிடையே கடைசி நேரத்தில் காயம் காரணமாக மன்னோரினா விலகியதால் ஃபெடரர் வெற்றி பெற்றார். இதையடுத்து, நடைபெற்ற செய்தியாளர் சந்திப்பின் போது, மன்னோரினா இல்லாதிருப்பது மகிழ்ச்சியை ஏற்படுத்துகிறதா என்று பொருள்படும்படி கேட்கப்பட்ட கேள்விக்கு, தங்களின் கேள்வி புரியவில்லை என்றும், தன்னுடைய ஆங்கிலம் சுமாரானது தான் என்றும் ஃபெடரர் கலகலப்பாக பதிலளித்தார்.