முசிறி அருகேயுள்ள தொட்டியம் அண்ணா நகர் பகுதியை சேர்ந்தவர் அழகேசன். இவர் கோழி வளர்ப்பில் ஈடுபட்டு வரும் நிலையில், அதே பகுதியை சேர்ந்த பிரித்திவிராஜ் என்பவர் அழகேசன் வளர்த்து வரும் கோழிகளை திருடி விற்றதாக கூறப்படுகிறது. இதனால், ஆத்திரத்தில் இருந்த அழகேசனின் அண்ணன் கார்த்திகேயன் இது குறித்து பிரித்திவிராஜிடம் கேட்டு தகராறு செய்து வந்திருக்கிறார். இந்த விரோதத்தில், கடந்த 28 ஆம் தேதி அண்ணா நகர் வழியே நடந்து சென்ற பிரித்திவிராஜை, கார்த்திகேயன் வழிமறித்து கத்தியால் குத்திய சம்பவம் பரபரப்பை ஏற்படுத்தியது. படுகாயத்துடன் மருத்துவமனையில் சிகிச்சை பெற்று வந்த பிரித்திவிராஜ் சிகிச்சை பலனின்றி உயிரிழந்தது அவரது உறவினர்களை அதிர்ச்சியில் ஆழ்த்திய நிலையில், சம்பவம் குறித்து வழக்குபதிவு செய்த போலீசார், தலைமறைவாக உள்ள கார்த்திகேயனை வலைவீசி தேடி வருகின்றனர்.