அதிவேகமாக வந்த கார்...அடுத்தடுத்து நேர்ந்த விபரீதம் - பரபரப்பு காட்சிகள்

அதிவேகமாக வந்த கார்...அடுத்தடுத்து நேர்ந்த விபரீதம் - பரபரப்பு காட்சிகள்

திருச்சி காவிரி மேம்பாலத்தில் ஒரு கார் அடுத்தடுத்து 3 கார்களில் மோதிய விபத்தில், நல்வாய்ப்பாக அனைவரும் உயிர்தப்பினர். திருச்சி மாநகரிலிருந்து திருவானைக்கோவில் சத்திரம் பேருந்து நிலையம் நோக்கி ஒரு கார் அதிவேகமாக சென்று கொண்டிருந்தது. காவிரி மேம்பாலத்தில் திடீரென கட்டுப்பாட்டை இழந்த கார், அடுத்தடுத்து 3 கார்களில் வேகமாக மோதியது. இதில் விபத்தை ஏற்படுத்திய கார் உள்பட 4 கார்கள் பலத்த சேதம் அடைந்தது. காரில் பயணித்த அனைவரும் படுகாயங்களுடன் உயிர்தப்பினர். அவர்கள் அனைவரும் ஸ்ரீரங்கம் அரசு மருத்துவமனையில் சிகிச்சை பெற்று வருகின்றனர். விபத்தை ஏற்படுத்திய கார் ஓட்டுநரிடம் போலீசார் விசாரித்து வருகின்றனர்