தமிழகத்தில் வெயிலின் தாக்கம் அதிகரித்துக் காணப்பட்ட நிலையில், சில பகுதிகளில் திடீரென மழை பெய்தது.அதன்படி கரூர் மாவட்டம், குளித்தலை சுற்றுவட்டார பகுதியில் கனமழை பெய்தது. மேட்டுமருதூர், பணிக்கம்பட்டி, கூடலூர், தண்ணீர்பள்ளி, குமாரமங்கலம், கோட்டமேடு, வதியம் உள்ளிட்ட பல்வேறு பகுதிகளில் சுமார் 3 மணி நேரம் மழை பெய்தது. இதனால், குளிர்ச்சியான சூழல் நிலவியது.
இதேபோல் திருவண்ணாமலை மாவட்டத்தில் சோமாசி பாடி, மல்லவாடி, தண்டராம்பட்டு சாலை உள்ளிட்ட பல பகுதிகளிலும் மழை வெளுத்து வாங்கியது. மழையின் காரணமாக வெப்பம் தணிந்ததால் மக்கள் மகிழ்ச்சியடைந்தனர்.மேலும், திருப்பத்தூர் மாவட்டம் வாணியம்பாடி மற்றும் அதையொட்டிய பகுதிகளான ஜனதாபுரம், செட்டியப்பணுர், அம்பலுர்,கோடையாஞ்சி, ஆலங்காயம், வெள்ளக்குட்டை பகுதிகளிலும் பலத்த மழை பெய்தது.