மின்கம்பத்தில் மோதிய போலீஸ் வேன்.. முழுதாய் வளைந்த காட்சி
திருப்பூர் மாவட்ட காவல்துறை வாகனத்தை ஓட்டி வந்த காவலருக்கு மூச்சுத் திணறல் ஏற்பட்டு மின்கம்பத்தில் வாகனம் மோதியது.
உடனடியாக காவலர் மீட்கப்பட்டு அரசு மருத்துவமனைக்கு சிகிச்சைக்காக அனுப்பி வைக்கப்பட்டார்.
ஆயுதப்படை பிரிவில் ஓட்டுநராக பணிபுரிந்து வரும் கருப்பசாமி, தெற்கு காவல் நிலையம் எதிரே வந்தபோது இந்த சம்பவம் நிகழ்ந்துள்ளது.
சாலை ஓரம் இருந்த மின் கம்பத்தில் வாகனம் பலமாக மோதியதில் மின்கம்பம் வேனின் மீது சரிந்தது. மேலும் மின்சாரம் சென்று கொண்டிருந்த மின் கம்பிகளும் தாழ்வாக கீழே இறங்கியதால் அந்த பகுதியில் போக்குவரத்து பாதிக்கப்பட்டது. பிறகு போலீசாரால் போக்குவரத்து சீரமைக்கப்பட்டது.