சொசைட்டிக்குள் செக்ரட்டரி மரணம்...உள்ளே கிடைத்த 2 பொருட்கள்..மொத்த ஊரும் பேரதிர்ச்சியில்..

தூத்துக்குடி மாவட்டம் ஸ்ரீவைகுண்டத்தில், தொடக்க வேளாண்மை கூட்டுறவு சிக்கன நாணய சங்கத்தில் ஏற்பட்ட தீ விபத்தில், செயலாளர் ஸ்ரீதரன் என்பவர் உயிரிழந்தார். தீ மளமளவென வங்கி முழுவதும் பரவிய நிலையில், அக்கம் பக்கத்தில் இருந்தவர்கள் தீயை அணைக்கும் முயற்சியில் ஈடுபட்டனர். அங்கு மயங்கி கிடந்த ஸ்ரீதரை மீட்ட போது, அவர் மூச்சுத்திணறி உயிரிழந்தது தெரியவந்தது. அலுவலகத்தில் பெட்ரோல் கேன் மற்றும் தீப்பெட்டி கைப்பற்றப்பட்டதால், தற்கொலையா? என்ற கோணத்தில் போலீசார் விசாரணை நடத்தி வருகின்றனர். தற்காலிக பணியாளர், இ-சேவை மைய பணியாளர் இருவரும் வெளியே சென்றிருந்த போது, இந்த சம்பவம் நிகழ்ந்திருப்பது குறிப்பிடத்தக்கது.