சூறையாடிய வெள்ளம்; பலகோடி லாஸ்..! நீருக்குள் மூழ்கிய 60 லாரிகள்...கலங்க வைக்கும் தூத்துக்குடி அவலம்

தூத்துக்குடியில், பருப்பு குடோன்களில் இருந்த பல கோடி ரூபாய் மதிப்புள்ள பருப்புகள் வெள்ளத்தில் மூழ்கியுள்ளன. தூத்துக்குடி மாநகராட்சிக்கு உட்பட்ட மாப்பிள்ளையூரணி பஞ்சாயத்து பகுதியான ஏ.வி.கே.சி. நகர், காமராஜர் நகர், முருகன் நகர், சோட்டையன் தோப்பு உள்ளிட்ட பகுதிகளில் வெள்ளம் சூழ்ந்துள்ளது. குடிநீர் மற்றும் அத்தியாவசிய பொருட்கள் இன்றி தவித்து வருவதாக அப்பகுதி மக்கள் தெரிவித்தனர். பருப்பு குடோன்களில் வெள்ளம் சூழ்ந்த நிலையில், 50 முதல் 60 லாரிகள் தண்ணீரில் சிக்கியிருப்பதாக கூறப்படுகிறது.