ரெட்டையாக சென்று ஒத்தையாக சடலமாக கரை ஒதுங்கிய தம்பி.. அண்ணன் எங்கே..? கதறும் தந்தை
திருவண்ணாமலை மாவட்டம் செங்கம் அருகே, ஆற்றில் குளிக்க சென்ற சிறுவர்கள் இருவர் மாயமான சம்பவத்தில், ஒருவர் சடலமாக மீட்கப்பட்டார்.
செங்கம் அடுத்த மோட்டூர் பகுதியைச் சேர்ந்தவர் கோவிந்தராஜ். இவரது மகன்களான கதிரேசன் மற்றும் அகிலேசன் ஆகிய இருவரும், வீட்டருகே உள்ள செய்யாறில் குளிக்கச் சென்று மாயமானதாக கூறப்படுகிறது. சிறுவர்களின் தந்தை அளித்த புகாரின் அடிப்படையில், சகோதரர்கள் இருவரையும் போலீசார் ஆற்றில் தேடியிருக்கின்றனர். அப்போது, ஜவ்வாது மலையில் பெய்த கனமழையால் ஆற்றில் வெள்ளப்பெருக்கு ஏற்பட்டிருக்கிறது. இதில், இரு சிறுவர்களில் ஒருவர் வெள்ளநீரில் சடலமாக அடித்து வரப்பட்டது அதிர்ச்சியை ஏற்படுத்தி இருக்கிறது. பிரேதத்தை கைப்பற்றி மருத்துவமனைக்கு கொண்டு சென்ற போலீசார், மாயாமான மற்றொரு சிறுவனை தொடர்ந்து தேடி வருகின்றனர்.