திருவண்ணாமலை அடுத்த பொன்னுசாமி நகர் பகுதியில்
ஒரு வீட்டில் யாரும் இல்லாத நிலையில், பூட்டை உடைத்த
மர்ம நபர்கள், பீரோவில் இருந்த ஒரு கிராம் தங்கம், வெள்ளி அரை கிலோ மற்றும் 2 ஆயிரம் ரூபாய் பணத்தை கொள்ளையடித்துள்ளனர். இதேபோல் பொன்னுசாமி நகரை அடுத்த தேவராஜ் நகர் பகுதியில் அடுத்தடுத்து இரண்டு வீடுகளில் தங்களுடைய கைவரிசியை கொள்ளையர்கள் காட்டியுள்ளனர். பூட்டப்பட்டிருந்த வீடு ஒன்றில் புகுந்து 12 சவரன் தங்க நகைகள், அரை கிலோ வெள்ளி பொருட்களை திருடி சென்றுள்ளனர். மற்றொரு வீட்டின் பூட்டை உடைத்து 25 சவரன் தங்க நகை, கால் கிலோ வெள்ளி பொருட்களை திருடிச் சென்றுள்ளனர். இந்த திருட்டு சம்பவங்கள் பற்றி தகவல் அறிந்த திருவண்ணாமலை கிழக்கு காவல் நிலைய போலீசார், கைரேகை நிபுணர்கள் உதவியுடன் அந்த பகுதியில் கைரேகை தடயங்களை சேகரித்து விசாரணை மேற்கொண்டு வருகின்றனர்.