விவசாயி ரத்தம் சொட்ட சொட்ட மூக்கை உடைத்த மின் பொறியாளர் .. தி.மலையில் பரபரப்பு

செய்யாற்றில் மின் மோட்டார் வைத்து தண்ணீர் எடுத்த விவசாயியை மின் பொறியாளர் மூக்கை உடைத்த சம்பவம் பரப்பரப்பை ஏற்படுத்தியுள்ளது.

திருவண்ணாமலை மாவட்டம் செங்கம் அருகே அம்மனூரில் முருகன் என்ற விவசாயி 4 ஏக்கரில் சம்பா நெல் நடவு செய்து வந்துள்ளார். அவரின் கிணற்றில் போதுமான தண்ணீர் இல்லாததால் அவரது நிலத்தில் அருகாமையில் செல்லும் செய்யாற்றில் மின் மோட்டாரை வைத்து பாசனம் செய்து நெல் நடவு நட்டு வந்துள்ளார். இது பற்றி தகவல் அறிந்த கொட்டகுளம் மின்சார அலுவலகத்தில் பணிபுரியும் மின் பொறியாளர், விவசாயின் மோட்டருக்கான மின் வயர்களை வெட்டி எடுக்க முயன்றார். அப்பொழுது இருவருக்கும் வாக்குவாதம் ஏற்பட்டு, மின் பொறியாளர், விவசாயி முருகனை தாக்கியதில், அவருக்கு மூக்கு உடைந்து ரத்தம் சொட்ட சொட்ட செங்கம் அரசு மருத்துவமனையில் அனுமதிக்கப்பட்டுள்ளார். இது குறித்து செங்கம் காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.