நேருக்கு நேர் மோதிய பஸ்-லாரி - ஸ்பாட்டில் பிரிந்த 3 உயிர்-தென்காசியில் பரபரப்பு காட்சி

தென்காசி அருகே தனியார் பேருந்தும் லாரியும் நேருக்கு நேர் மோதிக்கொண்ட விபத்தில் குழந்தை உள்பட 3 பேர் உயிரிழந்தனர்.

தென்காசியிலிருந்து ஸ்ரீவில்லிபுத்தூர் நோக்கி சென்ற தனியார் பேருந்தும் கேரளாவில் இருந்து ஆலங்குளம் சென்ற லாரியும் திருமங்கலம்- கொல்லம் தேசிய நெடுஞ்சாலையில் ஈனா விலக்கு ரவுண்டானா பகுதியில் நேருக்கு நேர் மோதி விபத்துக்குள்ளானது. இதில் பேருந்தில் பயணம் செய்த 4 வயது குழந்தை மற்றும் 2 பெண்கள் உயிரிழந்தனர். பலர் படுகாயமடைந்தனர். அவர்களை போலீசார் மற்றும் வாகன ஓட்டிகள் மீட்டு சிகிச்சைக்காக தென்காசி அரசு மருத்துவமனைக்கு அனுப்பி வைத்தனர்.  தப்பியோடிய லாரி ஓட்டுனரை போலீசார் தேடி  வருகின்றனர். விபத்து நிகழ்ந்த இடத்தை மாவட்ட ஆட்சித் தலைவர் கமல் கிஷோர்  நேரில் பார்வையிட்டார்.