பஸ்ஸில் மாணவிகளை கிண்டல் செய்த குரூப்..தைரியமாக எதிர்த்த பள்ளி மாணவன்-பஸ் ஸ்டாப்பிலேயே நடந்த கொடூரம்

தேனி மாவட்டம், ஆண்டிப்பட்டியில் அரசு பேருந்தில் மாணவிகளை கேலி செய்தவர்களை தட்டிக்கேட்ட 9-ஆம் வகுப்பு மாணவன் மீது தாக்குதல் நடத்தப்பட்ட சம்பவம் அதிர்ச்சியை ஏற்படுத்தி உள்ளது. ஏத்தகோவிலில் இருந்து வந்த பேருந்தில், மேக்கிழார்பட்டியைச் சேர்ந்த சிலர் மாணவிகளை கேலி செய்ததாக கூறப்படுகிறது. இதை தட்டிக்கேட்ட சித்தையகவுண்டன்பட்டியைச் சேர்ந்த மாணவனை, ரெங்கராம்பட்டி விலக்கு பேருந்து நிறுத்தம் அருகே, அவர்கள் அடித்து கீழே தள்ளி தாக்கியுள்ளனர். இதையடுத்து, காயம் அடைந்த மாணவன், ஆண்டிபட்டியில் உள்ள தனியார் மருத்துவமனையில் சிகிச்சை பெற்று வருகிறார். மாணவர் அளித்த புகாரின் பேரில், ஆண்டிப்பட்டி போலீசார் விசாரித்து வருகின்றனர்.