"சோசியல் சயின்ஸ்-ல மார்க் எங்க"மாணவனை கொடூரமாக தாக்கிய ஆசிரியர்..பித்து பிடித்தது போல் மாறிய மாணவன்

திருச்சியில் உள்ள தனியார் பள்ளியில், சமூக அறிவியல் பாடத்தில் குறைந்த மதிப்பெண் எடுத்ததால், பத்தாம் வகுப்பு மாணவனை முருகதாஸ் என்ற ஆசிரியர் கடுமையாக தாக்கியதாக கூறப்படுகிறது. இதனால் காயமடைந்த மாணவரை பெற்றோர் மருத்துவமனைக்கு அழைத்துச் சென்ற நிலையில், மாணவர் மனரீதியாக பாதிக்கப்பட்டுள்ளதாக மருத்துவர்கள் தெரிவித்துள்ளனர். இதனிடையே மாணவரை தாக்கிய ஆசிரியர் மீது நடவடிக்கை எடுக்கக்கோரி, திருச்சி மாவட்ட முதன்மை கல்வி அலுவலரிடம், மாணவனின் பெற்றோர் மற்றும் உறவினர்கள் மனு அளித்தனர். இதையடுத்து மாணவரிடமும், ஆசிரியரிடமும் விசாரணை நடத்திய மாவட்ட கல்வி அலுவலர், ஆசிரியர் முருகதாஸை தற்காலிக பணிநீக்கம் செய்து உத்தரவிட்டார்.