காலில் ஏறிய லாரி.. உடனே லாரி முன்னால் அமர்ந்து சிறைப்பிடிப்பு.. சென்னையில் பரபரப்பு

பூந்தமல்லியில் சாலையில் நடந்து சென்ற பெண்ணின் காலின் மீது, லாரி ஏறி இறங்கியதால் உறவினர்கள் சாலை மறியலில் ஈடுபட்டனர்.

பூந்தமல்லி அடுத்த பாரிவாக்கம் நான்கு சாலை சந்திப்பு பகுதியில், லாரி ஒன்று சென்று கொண்டிருந்தது. அப்போது அந்த வழியாக நடந்து சென்ற பெண்ணின் காலின் மீது லாரியின் சக்கரம் ஏறி இறங்கியது. காலில் பலத்த காயம் அடைந்த அந்த பெண், கீழ்பாக்கம் அரசு மருத்துவமனைக்கு சிகிச்சைக்காக அனுப்பி வைக்கப்பட்டார். அதே நேரத்தில், லாரியை சிறை பிடித்த உறவினர்கள், ஆர்ப்பாட்டத்தில் ஈடுபட்டனர். இதையடுத்து அங்கு சென்ற போக்குவரத்து ஆய்வாளர், பேச்சுவார்த்தை நடத்தி அவர்களை கலைத்தனர். ஆனால், லாரியை எடுக்க யாரும் முன்வராத‌தால், ஆய்வாளரே லாரியை அங்கிருந்து அப்புறப்படுத்தினார்