சீறி வந்த சரக்கு வாகனம்.. நடுரோட்டில் துடிதுடித்து பலியான உயிர்கள்.. திண்டுக்கல் அருகே பயங்கரம்
திண்டுக்கல் மாவட்டம் நத்தம் அருகே, சரக்கு வாகனம் மோதியதில், இருசக்கர வாகனத்தில் சென்ற இருவர் சம்பவ இடத்திலேயே உயிரிழந்தனர். நத்தம் தாலுகா கோபால்பட்டி பகுதியை சேர்ந்த சின்னத்தம்பி மற்றும் அன்பழகன் ஆகிய இருவர், இருசக்கர வாகனத்தில் சென்று கொண்டிருந்தபோது, மேட்டுப்பட்டி அருகே அதிவேகமாக வந்த சரக்கு வாகனம் மோதியதில், இருசக்கர வாகனம் தூக்கி வீசிப்பட்டது. இதில் பலத்த காயமடைந்த இருவரும் சம்பவ இடத்திலேயே உயிரிழந்தார். விபத்தை ஏற்படுத்திய சரக்கு வாகன ஓட்டுனர் கர்ண சூர்யா என்பவரை, போலீசார் கைது செய்து விசாரணை செய்து வருகின்றனர்.