ஏறி இறங்கிய கார்;துடிதுடித்த குழந்தை... கண்டுகொள்ளாமல் சென்ற மனிதர்கள் - நடுநடுங்க வைக்கும் காட்சி

கர்நாடகாவில், கார் சக்கரத்தில் சிக்கி 3 வயது குழந்தை பரிதாபமாக உயிரிழந்த சம்பவத்தின் பதைபதைக்க வைக்கும் சிசிடிவி காட்சி வெளியாகியுள்ளது.கர்நாடகாவின் பெல்லந்தூர் பகுதியில் உள்ள தனியார் அடுக்குமாடி குடியிருப்பின் வாயிலில், 3 வயது குழந்தை விளையாடிக் கொண்டிருந்தபோது, அங்கு வந்த கார் ஒன்று குழந்தையின் மீது ஏறிச் சென்றது. இதில் படுகாயமடைந்த குழந்தை, மருத்துவமனையில் அனுமதிக்கப்பட்ட நிலையில், சிகிச்சைப் பலனின்றி உயிரிழந்தது. இந்த சம்பவம் தொடர்பாக குழந்தையின் பெற்றோர் அளித்த தகவலின் பேரில், காரை ஓட்டிச் சென்ற சுமன் என்ற இளைஞரை கைது செய்து விசாரணை நடத்தி வருகின்றனர்.