கருமத்தம்பட்டி அருகே உள்ள கங்காலட்சுமி தோட்டத்தில் வசித்து வந்தவர் மூதாட்டி பாப்பா. வீட்டிற்கு அருகில் உள்ள பகுதியில் புதிதாக கட்டி வரும் வீட்டை காண்பதற்காக, குடும்பத்தினர் சென்று பார்த்துள்ளனர். அப்போது, வீட்டில் மூதாட்டி மட்டும் தனியாக இருந்துள்ளார். பின்னர் உறவினர்கள் வீடு திரும்பியபோது, உடம்பில் பல வெட்டுக் காயங்களுடன் மூதாட்டி பாப்பா, உயிருக்குப் போராடியபடி கிடந்துள்ளார். அதனைபார்த்து அதிர்ச்சி அடைந்த உறவினர்கள், மூதாட்டியை மீட்டு, உடனடியாக மருத்துவமனையில் அனுமதித்தனர். ஆனால் அங்கு அவர் சிகிச்சை பலனின்றி உயிரிழந்தார். நகைக்காக நடைபெற்ற கொலையா? என்ற கோணத்தில் போலீசார் விசாரணை நடத்தி வருகின்றனர்.