சென்னையை பரபரப்பாக்கிய டாஸ்மாக் மோதல்... காவல்துறை அதிரடி
நுங்கம்பாக்கத்தில் உள்ள மதுக்கடையில் ஜெயலட்சுமிபுரம் தெருவை சேர்ந்த இளைஞர்களுக்கும், மற்றொரு கும்பலுக்கும் இடையே திடீரென மோதல் வெடித்தது. ஒருவரை ஒருவர் கடுமையாக தாக்கிக்கொண்டதாக கூறப்படும் நிலையில், சம்பவ இடத்திற்கு சென்ற போலீசார், மோதலில் ஈடுபட்ட நபர்களை கைது செய்தனர். இதில் சிலருக்கு தலை மற்றும் காலில் காயம் ஏற்பட்டதால் கே.எம்.சி. மருத்துவமனைக்கு அனுப்பி வைக்கப்பட்டனர். கைது செய்யப்பட்ட இளைஞர்களின் உறவினர்கள் காவல் நிலையத்திற்கு முன்பு கூச்சலிட்டதால் காவல்நிலையம் முன்பு பரபரப்பான சூழல் நிலவியது.