கட்டுக்கட்டாக சிக்கிய பணம்...தமிழகம் முழுவதும் தீவிர வேட்டையில் பறக்கும் படை

கட்டுக்கட்டாக சிக்கிய பணம்...தமிழகம் முழுவதும் தீவிர வேட்டையில் பறக்கும் படை

விழுப்புரம் மாவட்டம் திருக்கோவிலூர் கண்டாச்சிபுரம் அருகே உள்ள அடுக்கம் பகுதியில், தனியார் பேருந்தை நிறுத்தி பறக்கும் படையினர் சோதனை செய்தனர். அப்போது, உரிய ஆவணங்களின்றி தனியார் நிறுவன ஊழியர் எடுத்து சென்ற ரூபாய் 3 லட்சத்து 98 ஆயிரம் பணத்தினை அதிகாரிகள் பறிமுதல் செய்தனர்.

இதேபோல, விருதுநகர் மாவட்டம் சாத்தூர் அருகே ஆட்டு வியாபாரி உட்பட 2 பேர் உரிய ஆவணம் இன்றி கொண்டு சென்ற 2 லட்சத்து 25 ஆயிரம் ரூபாயை தேர்தல் பறக்கும் படையினர் பறிமுதல் செய்தனர்.

ஓசூர் அருகே உரிய ஆவணங்கள் இன்றி காரில் எடுத்து சென்ற 15 லட்சத்து 86 ஆயிரம் ரொக்கப்பணத்தை பறிமுதல் செய்த அதிகாரிகள், அவற்றை கருவூலத்தில் ஒப்படைத்தனர்.