"அவர்கள் யார் என்று சொல்லுங்கள்" மீனவர்களை தாக்கிய போலீஸ்... வீதியில் இறங்கி போராடும் குடும்பம்

தூத்துக்குடியில், கடத்தலில் ஈடுபடுபவர்களை அடையாளம் காட்டக்கோரி மீனவரை தாக்கிய போலீசார் மீது நடவடிக்கை எடுக்கக்கோரி சக மீனவர்கள் சாலை மறியல் போராட்டத்தில் ஈடுபட்டனர். இனிகோ நகரிலிருந்து படகில் பீடி இலை, மஞ்சள் கடத்தப்படுவதாக புகார் எழுந்தது. அதன்பேரில் ரோந்து சென்ற போலீசார், கடத்தலில் ஈடுபடுவர்களை அடையாளம் காட்டக்கூறி மீனவர் ஒருவரை தாக்கியதாக கூறப்படுகிறது. இதனையடுத்து அத்துமீறி போலீசார் நடந்துகொண்டதாக மீனவர்கள், பெண்கள் போராட்டம் நடத்தினர்.