வாணியம்பாடி காவல் உதவி ஆய்வாளர், காவல் நிலையத்திலேயே தற்கொலை முயற்சி மேற்கொண்டது பரபரப்பை ஏற்படுத்தியது.
தர்மபுரி மாவட்டம் அரூர் பகுதியை சேர்ந்தவர் ராஜ்குமார். இவர் வாணியம்பாடி நகர காவல் நிலையத்தில் உதவி ஆய்வாளராக பணியாற்றி வருகிறார். பணியில் இருந்தபோது, இவருக்கு வீடியோ கால் வந்துள்ளது. செல்போனில் பேசிக்கொண்டிருந்த ராஜ்குமார், திடீரென அவருடைய அறைக் கதவை மூடியதுடன், சால்வை மூலம் தூக்கு போட முயற்சி செய்துள்ளார், இதனையடுத்து, சக போலீசார் கதவை உடைத்து ராஜ்குமாரை மீட்டுள்ளனர். இந்த சம்பவம் தொடர்பாக மேற்கொள்ளப்பட்ட முதற்கட்ட விசாரணையில், ராஜ்குமாரும் திருப்பத்தூரில் பணிபுரிந்து வரும் பெண் உதவி ஆய்வாளரும் காதலித்து வருவதாகவும், இருவருக்கும் இடையே செல்போன் பேசும்போது ஏற்பட்ட வாக்குவாதத்தில், தற்கொலை முயற்சியில் ஈடுபட்டதும் தெரியவந்துள்ளது.