சேலம் மத்திய சிறையில் நடைபெற்ற ஜெயில் சிங்கர் போட்டியில் ஏராளமான கைதிகள் பங்கேற்று உற்சாகமாக பாடி மகிழ்ந்தனர். சுதந்திர தினத்தையொட்டி புது முயற்சியாக சிறை நிர்வாகம் சார்பில் ஜெயில் சிங்கர்-2024 என்ற பெயரில் பாட்டுப் போட்டிகள் நடத்தப்பட்டது. மொத்தம் 40 கைதிகள் போட்டியில் பங்கேற்ற நிலையில், சிறப்பாக பாடிய விசாரணை கைதி செல்வகுமார் வெற்றியாளராக அறிவிக்கப்பட்டார். இந்த போட்டிகளில் சிறைவாசிகளே வாக்குகள் அளித்து வெற்றியாளர்களை தீர்மானித்தனர்.