கோயில் முன்பு கிடந்த பசு வால்... 2 நாட்களாக நடந்த போராட்டம் - போலீஸ் தடியடியால் ராஜஸ்தானில் பரபரப்பு

ராஜஸ்தானின் பில்வாரா நகரில் கோயிலுக்கு வெளியே பசுவின் வால் வெட்டப்பட்டு கிடந்த‌தை கண்டித்து இந்து அமைப்பினர் போராட்டத்தில் ஈடுபட்டனர். நேற்று நடந்த இந்த சம்பவத்தை கண்டித்து இரண்டாவது நாளாக பொதுமக்கள் போராட்டம் நடத்தினர். 9 பேர் கைது செய்யப்பட்டுள்ள நிலையில், அவர்களின் வீடுகளை புல்டோசர் மூலம் இடிக்க வேண்டும் என கோரிக்கை விடுத்தனர். போராட்டம் காரணமாக அந்த பகுதியில் பெரும்பாலான கடைகள் மூடப்பட்டிருந்தன. போராட்டத்தில் ஈடுபட்டவர்கள் கலைந்து செல்லாத‌தால், அவர்கள் மீது காவல்துறையினர் தடியடி நடத்தி விரட்டி அடித்தனர்.