சொத்தை எழுதிக் கேட்ட கணவன்.. மனைவிக்கு காத்திருந்த பெரிய ஷாக்.. வெளியான அதிர்ச்சி வீடியோ

சொத்தை தன் பெயரில் எழுதிதரக் கோரி மனைவியிடம் தகராறு செய்த கணவர், மனைவியையும், மகனையும் அரிவாளால் வெட்ட துரத்தும் வீடியோ வெளியாகி பரபரப்பை ஏற்படுத்தி இருக்கிறது.

புதுக்கோட்டை மாவட்டம் பாவச்சி வயல் பகுதியைச் சேர்ந்தவர் முத்து. ஓய்வு பெற்ற காவலரான இவருக்கு மல்லிகா என்பவருடன் திருமணமான நிலையில், மகன் ஒருவர் உள்ளார். குடும்ப பிரச்சினை காரணமாக தம்பதி இருவரும் ஒருவரையொருவர் பிரிந்து வாழ்ந்து வந்துள்ளனர். இந்நிலையில், மல்லிகாவுக்கு அவரின் தாயார் வழங்கிய இரண்டரை ஏக்கர் நிலத்தை தன் பெயரில் எழுதி கொடுக்குமாறு முத்து தகராறு செய்து வந்ததாக கூறப்படுகிறது. இதில் கடந்த 15 ஆம் தேதி, நிலத்தை எழுதி தரக்கோரி தன் கணவர் பிரச்சினை செய்ததாகவும்... இதில், தன்னையும், தன் மகனையும் அவர் அரிவாளால் வெட்ட துரத்தியதாகவும் மல்லிகா குற்றம் சுமத்திய நிலையில், இது தொடர்பான வீடியோவும் வெளியாகி பரபரப்பை ஏற்படுத்தியது.