குளத்தில் மூழ்கி 2 சிறுமிகள் பலி... கண் கலங்கி நின்ற மக்கள்... புதுக்கோட்டையில் பரிதாபம் | Pudukkottai

புதுக்கோட்டை மாவட்டம், மாத்தூர் அருகே குளத்தில் மூழ்கி இரண்டு சிறுமிகள் உயிரிழந்த சம்பவம் சோகத்தை ஏற்படுத்தியுள்ளது. சகோதரிகளான காயத்ரி, கவி ஸ்ரீ ஆகிய சிறுமிகள் கண்ணகோன்பட்டி பகுதியில் உள்ள காளியம்மன் கோயிலுக்கு சென்றுள்ளனர். அப்போது அருகில் இருந்த குளத்தில் இறங்கியபோது, எதிர்பாராத விதமாக மண்வெட்டிய பள்ளத்தில் விழுந்து சிறுமிகள் இருவரும் நீரில் மூழ்கினர். அங்கிருந்தவர்கள் சிறுமிகளை மீட்டு கீரனூர் அரசு மருத்துவமனைக்கு கொண்டுசென்ற நிலையில், அவர்கள் ஏற்கெனவே இறந்துவிட்டதாக மருத்துவர்கள் தெரிவித்துள்ளனர். இதுகுறித்து கீரனூர் போலீசார் விசாரணை நடத்தி வருகின்றனர்.