விபத்து ஏற்படுத்தி விட்டு நிற்காமல் சென்ற கார்..! விரட்டி பிடித்து போலீஸ் செய்த தரமான சம்பவம்..!

புதுச்சேரியில் வாகனங்களை இடித்து விட்டு நிற்காமல் சென்ற காரை போக்குவரத்து போலீசார் மடக்கி பிடித்தனர்.

புதுச்சேரி நகரப்பகுதியான மறைமலை அடிகள் சாலையில் கார் ஒன்று வேகமாக சென்றதுடன், 5-க்கும் மேற்பட்ட இரு சக்கர வாகனங்களை இடித்துவிட்டு நிற்காமல் சென்றது. இதனையடுத்து பொதுமக்கள் அந்த காரை விரட்டி சென்ற நிலையில், போக்குவரத்து போலீசார் மடக்கி பிடித்து நிறுத்தினர். அதிலிருந்து இறங்கிய இளைஞரை பொதுமக்கள் தாக்க முயன்றதால் பரபரப்பு ஏற்பட்டது. தொடர்ந்து, காரில் வந்த விழுப்புரத்தைச் சேர்ந்த 5 வாலிபர்களை காவல் நிலையம் அழைத்துச் சென்று விசாரித்தனர். மதுபோதையில் விபத்தை ஏற்படுத்தியதால், பயத்தில் தப்பித்து செல்வதற்காக வாகனத்தை நிறுத்தாமல் சென்றதாக அவர்கள் தெரிவித்துள்ளனர்.