நாடே காத்திருக்கும் ஜூன் 4.. வேண்டினால் பதவி கிடைக்கும் கோயிலுக்கு மகனுடன் சென்ற ஓபிஎஸ்

ராமநாதபுரம் மக்களவை தொகுதியில் தேசிய ஜனநாயக கூட்டணி சார்பில் முன்னாள் முதலமைச்சர் ஓ.பன்னீர்செல்வம் போட்டியிட்டார். வருகிற ஜூன் நான்காம் தேதி தேர்வு முடிவுகள் அறிவிக்கப்படும் நிலையில், திருச்சிறுகுடி கிராமத்தில் மங்களாம்பிகை சமேத சூட்சமபுரீஸ்வரர் கோயிலில் ஓ.பன்னீர்செல்வம் மகன் ரவீந்திரநாத் உடன் சாமி தரிசனம் செய்தார். இந்த கோயிலில் வழிபட்டால் வேண்டிய பதவிகள் கிடைக்கும் என்பது நம்பிக்கையாக உள்ள நிலையில், மகனுடன் ஓபிஎஸ் சாமி தரிசனம் செய்தார். தொடர்ந்து, திருப்பாம்புரம் பகுதியில் தாம்பரநாதர் கோயிலுலும் ஓபிஎஸ் சாமி தரிசனம் செய்தார். முன்னதாக தாமரையை கொடுத்து தொண்டர்கள் ஓபிஎஸ்க்கு வரவேற்பு அளித்தனர்.