விருதுநகர் மாவட்டம் சாத்தூரில், அட்டை மில்லில் அரவை இயந்திரத்தில் சிக்கி, வட மாநில இளைஞர் பலியான சம்பவம் சோகத்தை ஏற்படுத்தியுள்ளது.
கோவில்பட்டியை சேர்ந்த சூர்யா என்பவருக்கு சொந்தமான மில்லில், பீகாரைச் சேர்ந்த சவுரவ் குமார் என்ற இளைஞர், பேப்பர் அரைக்கும் இயந்திரத்தில் பணியில் இருந்தார். அப்போது, எதிர்பாராத விதமாக பேப்பர் அரைக்கும் இயந்திரத்தில் தவறி விழுந்ததில், அவர் உயிரிழந்தார். தகவலின் பேரில் வந்த போலீசார், உடலைக் கைப்பற்றி, பிரேத பரிசோதனைக்கு அனுப்பிய நிலையில், சம்பவம் குறித்து விசாரணை நடத்தி வருகின்றனர்.