குமாரபாளையம் காவல் நிலையத்தை தனியார் பள்ளி மாணவ- மாணவிகள் நேரில் பார்வையிட்டனர். தனியார் மெட்ரிக் பள்ளியில் ஐந்தாம் வகுப்பு பயிலும் 60 மாணவ-மாணவிகள் குமாரபாளையம் காவல் நிலையத்தில் இன்று காவலர்கள் பணி குறித்து பார்வையிட்டனர். அப்பொழுது அவர்களிடம் காவல் ஆய்வாளர் தவமணி காவல்துறையின் செயல்பாடுகள் குறித்து விளக்கம் அளித்தார். தொடர்ந்து, காவலன் செயலி குறித்தும், துப்பாக்கியை பயன்படுத்துவது குறித்தும் காவலர்கள் செயல்முறை விளக்கம் அளித்தனர்.