பொதுப் பணிகளுக்கு மத்தியில் விவசாய பணியிலும் ஈடுபட்டு வரும் எம்.எல்.ஏ.வை மக்கள் பாராட்டி வருகின்றனர். மதுரை தெற்கு தொகுதி எம்.எல்.ஏ வாக தேர்ந்தெடுக்கப்பட்டவர் மதிமுகவை சேர்ந்த புதூர் பூமிநாதன். தற்போது, வடகிழக்கு பருவமழை பெய்து வரும் நிலையில் மதுரை அழகர் கோவில் பகுதியில் உள்ள தனது பூர்வீக நிலத்தில் விவசாய பணியில் இறங்கி உள்ளார். தொழிலாளர்களுடன் இணைந்து நெல் நாற்றங்கால் தயார் செய்யும் பணியில் நேற்று ஈடுபட்டார். இவர் தொகுதிக்கு தேவையான மக்களின் அடிப்படை வசதிகளை பெற்று தருவதுடன், விவசாய பணிகளிலும் ஈடுபட்டு வருவது மக்களிடையே வரவேற்பை பெற்றுள்ளது.