மகா சிவராத்திரி விழா இந்த ஆண்டு தமிழகத்தில் 7 கோயில்களில் நடத்தப்படுமென இந்து சமய அறநிலையத்துறை அறிவித்துள்ளது. வரும் மார்ச் 8-ஆம் தேதி மகா சிவராத்திரி கொண்டாடப்படவுள்ளது. இதையொட்டி, மயிலாப்பூர் கபாலீஸ்வரர் கோயிலில் நடத்தப்படும் விழாவை அமைச்சர் சேகர் பாபு தொடங்கி வைக்கிறார். மேலும், திருவண்ணாமலை, அருணாச்சலேசுவரர் கோயில், தஞ்சாவூர் பிரகதீசுவரர் கோயில், திருநெல்வேலி நெல்லையப்பர் கோயில், பேரூர் பட்டீசுவரர் கோயில் ஆகிய கோயில்களை சேர்த்து இந்த ஆண்டு மதுரை மீனாட்சி சுந்தரேஸ்வரர் கோயில் மற்றும் திருவானைக்காவல் ஜம்புகேஸ்வரர் கோயில்களிலும் ஆன்மிக சொற்பொழிவு மற்றும் இசை நிகழ்ச்சிகள் நடத்தப்படுமென தெரிவிக்கப்பட்டுள்ளது